मुख्यमंत्री माझी लाडकी बहिण योजना – नव्या निकषांसह संपूर्ण माहिती

मुख्यमंत्री माझी लाडकी बहिण योजना सुरू झाल्यानंतर अनेक महिलांना आर्थिक मदत मिळाली आहे. मात्र, काही अपात्र महिलांनीही या योजनेचा लाभ घेतल्यामुळे सरकारने आता कडक निकष लागू करण्याचा निर्णय घेतला आहे.

नवीन अपडेट्स आणि महत्त्वाचे बदल

🔹 ई-केवायसी अनिवार्य – लाभार्थी महिलांना दरवर्षी जून महिन्यात बँकेत जाऊन ई-केवायसी करणे बंधनकारक असेल.

🔹 उत्पन्न मर्यादा – ज्या महिलांचे वार्षिक उत्पन्न ₹2.5 लाखांपेक्षा अधिक आहे, त्या महिलांना योजनेतून वगळण्यात येईल. उत्पन्न तपासण्यासाठी सरकार प्राप्तिकर विभागाची मदत घेणार आहे.

🔹 हयातीचा दाखला आवश्यक – लाभार्थी महिलांनी दरवर्षी हयातीचा दाखला जमा करणे आवश्यक असेल.

🔹 आधार लिंक अनिवार्य – ज्या महिलांचे आधार कार्ड बँक खात्याशी लिंक नसेल, त्यांना या योजनेतून अपात्र ठरवले जाणार आहे.

🔹 अन्य शासकीय योजनांचा लाभ घेत असलेल्या महिलांची तपासणी – सरकार इतर योजनांचा लाभ घेणाऱ्या महिलांची पडताळणी करून त्यांना योजनेतून वगळणार आहे.

५ लाखांहून अधिक महिला अपात्र ठरल्या

राज्य सरकारने निकषांची काटेकोर अंमलबजावणी सुरू केल्यानंतर ५ लाखांहून अधिक महिला अपात्र ठरल्या आहेत. त्यातील प्रमुख गट खालीलप्रमाणे आहेत –

📌 संजय गांधी निराधार योजनेच्या लाभार्थी महिलाः २,३०,०००
📌 वय ६५ वर्षांपेक्षा जास्त असलेल्या महिलाः १,१०,०००
📌 चारचाकी वाहन असलेल्या, नमोशक्ती योजनेच्या लाभार्थी किंवा योजनेतून नाव मागे घेणाऱ्या महिलाः १,६०,०००

सरकारची पारदर्शकतेकडे वाटचाल

सरकार योजनेत पारदर्शकता आणण्यासाठी कठोर उपाययोजना करत आहे. त्यामुळे केवळ पात्र महिलांनाच या योजनेचा लाभ मिळेल.

➡️ योजनेशी संबंधित सर्व महिलांनी नवीन निकषांनुसार आपली पात्रता तपासावी आणि आवश्यक कागदपत्रे अपडेट करावीत, अन्यथा योजनेतून वगळले जाण्याची शक्यता आहे.

📝 अधिकृत वेब साईट ला भेट द्या.